АНЭУ-ын Ерөнхийлөгчийн зөвлөх Анвар Гаргаш АНУ–Ираны дайны аливаа шийдэлд Ормузын хоолойгоор чөлөөтэй зорчих эрхийг баталгаажуулах ёстой гэж мэдэгдлээ.

Тэрээр Ормузын хоолойг “дэлхийн хамгийн чухал газрын тосны тээврийн зам” хэмээн тодорхойлж, үүнийг аль нэг улс зэвсэг болгон ашиглаж болохгүйг онцолсон. Мөн зөвхөн гал зогсоохоос гадна Ираны цөмийн хөтөлбөр, пуужин, дроны асуудлыг шийдвэрлэхгүй бол бүс нутаг илүү тогтворгүй болно гэж анхааруулсан байна.

АНЭУ АНУ тэргүүтэй олон улсын хүчин чармайлтад нэгдэхэд бэлэн байгаагаа илэрхийлжээ.