Ардчилсан намын даргыг сонгох Үндэсний бодлогын хорооны хурал Төрийн ордонд боллоо.
Намын даргыг сонгохдоо эхний шатны санал хураалтад 10-аас доош хувийн санал авсан нэр дэвшигчид хасагдах журмаар өрсөлдөж буй. Тэгвэл эхний санал хураалтын дүн гарчээ.
Санал хураалтаар,
- О.Цогтгэрэл - 196
- Б.Пүрэвдорж - 82
- Ж.Баярмаа - 33
- Б.Отгонбат - 3 аваад байна.
Улмаар нэр дэвшигч Б.Отгонбат хасагдаж, хоёр дахь шатны санал хураалт явагдахаар болсон ч УИХ-ын гишүүн Б.Пүрэвдорж, Ж.Баярмаа нар нэрээ татаж буйгаа зарласан юм. Ингэснээр Ардчилсан намын Үндэсний бодлогын хорооны гишүүдийн олонхын саналаар УИХ дахь Ардчилсан намын бүлгийн дарга О.Цогтгэрэл тус намыг удирдахаар боллоо.
