2025 оны арваннэгдүгээр сарын 27-ны өдрийн байдлаар, улсын хэмжээнд эмнэлэгт 3,006 хүүхэд хэвтэн эмчлүүлж байгаагаас 87.8 хувь нь амьсгалын замын цочмог хүнд халдварын шалтгаантай байна. Энэ нь өмнөх өдрөөс 8.5 хувиар нэмэгдсэн үзүүлэлт аж. Эрчимт эмчилгээний тасагт 79 хүүхэд эмчлүүлж байгаагаас 81.0 хувь (64) нь амьсгалын замын цочмог хүнд халдварын шалтгаантай байна. Энэ нь өмнөх өдрөөс 20.3 хувиар өсжээ. 

Хүүхдийн яаралтай тусламжийн тасгаар 2,879 хүүхэд үзүүлснээс томуу, томуу төст өвчний шалтгаантай хүүхдүүдийн тоо дийлэнх хувийг эзэлж байна. 

Улсын хэмжээнд орны ачаалал нэмэгдэж 1,138 орыг дэлгэн ажиллуулж байгаа бөгөөд 24 цагийн дотор 847 орыг нэмж дэлгэжээ.