2026 оны зургаадугаар сарын 27-ны өдрийн байдлаар Хэнтий нурууны баруун хажуугаас эхтэй Тэрэлж болон Туул голын уртын дагууд усны түвшин өмнөх өдрөөс 10–20 см нэмэгдсэн байна.
Мөн өнөөдрийн байдлаар Орхон , Ерөө, Сөгнөгөр, Балж, Онон, Хэрлэн, Ховд зэрэг голууд үерийн түвшинг 5-65 см, Хүдэр гол үерийн аюултай түвшинг 10 см даван тус тус хүчтэй үерлэсэн хэвээр байна. Маргааш буюу 28-ны өдөр усны түвшин Туул гол Улаанбаатар хот болон Алтанбулаг сум орчимд 10 см, Хэрлэн гол Өндөрхаан сум орчимд 5 см тус тус нэмэгдэх төлөвтэй байгаа аж.
Иймд дээрх голууд болон гол мөрний сав дагуу суурьшиж, нутаглаж буй малчид, тариаланчид , аж ахуйн нэгж байгууллага, аялаж, амарч, зугаалж яваа ард иргэд үерийн аюулаас сонор сэрэмжтэй байж, голын эрэг хөвөө дагуу бууж сууршихгүй байх, бага насны хүүхдэд тавих анхаарал халамжаа сайжруулах, голд зориулалтын болон зориулалтын бус хөвөгч ашиглан орохгүй байхыг анхааруулав.
