2026 оны долоодугаар сарын 7-ны өдрийн байдлаар зарим голын усны түвшин өмнөх өдрөөс 10-20 см-ээр нэмэгдсэн байна.
Тодруулбал, Эг гол /Хантай баг/, Хэрлэн гол /Чойбалсан сум/, Чонохарайх гол /Дөргөн сум/, Хархираа гол /Тариалан сум/, Онги гол /Сайхан-Овоо сум/-ын усны түвшин нэмэгджээ.
Мөн өнөөдрийн байдлаар Туул гол Лүн сум орчимд, Ховд гол Мянгад сум орчимд, Хархираа гол Тариалан сум орчимд үерийн түвшинг 5-15 см даван үерлэж байна.
Иймд гол мөрний сав дагуу аялж, амарч, зугаалж байгаа иргэдийг үер, усны аюулаас сэрэмжилж, голын эрэг хөвөө дагуу бууж суурьшихгүй байх, бага насны хүүхдэд тавих анхаарал халамжаа сайжруулах, зориулалтын болон зориулалтын бус хөвөгч хэрэгсэл ашиглан голд орохгүй байхыг Цаг уур, орчны шинжилгээний газраас анхаарууллаа.
