Өнгөрсөн шөнө Оросын агаарын довтолгоонд Украин даяар 600 000 хүн гэрэл цахилгаангүй болсныг Ерөнхийлөгч Володимир Зеленський мэдэгдлээ. Нийслэл Киевийн бүс нутаг төдийгүй зүүн хойд Харьков хотын эрчим хүчний дэд бүтэц цохилт өртжээ.
Киевийн онцгой байдлын албаны мэдээлснээр нийслэлд дор хаяж гурван хүн амь үрэгдэж, 21 хүн бэртжээ. Оросын Батлан хамгаалах яамны зүгээс шөнийн цагаар хийсэн цохилтууд нь Украины цэргийн зориулалттай харилцаа холбоо болон эрчим хүчний байгууламжуудад чиглэсэн гэж мэдэгдэв. Мөн тус яам Оросын хэд хэдэн бүс нутаг, тэр дундаа Москва хот болон Крым орчмыг онилсон Украины 902 дроныг амжилттай устгасан гэж мэдэгджээ. Харин Харин Украины агаарын цэргийн хүчнийхэн Орос улс шөнө 39 баллистик болон далавчит пуужин, 128 дрон харваснаас 4 пуужин, 115 дрони устгасан гэж мэдээлэв.
АНУ-ын Ерөнхийлөгч Дональд Трамп ням гарагт Орос, Украины хооронд эрчим хүчний гал зогсоох тохиролцоонд хүрсэн гэж мэдэгдсэн. Үүний дараа Ерөнхийлөгч Зеленський Москвагийн зүгээс адил арга хэмжээ авбал Украинд байгаа Оросын газрын тосны үйлдвэр болон бусад эрчим хүчний байгууламж руу довтлох ажиллагааг зогсооход бэлэн гэдгээ илэрхийлсэн юм.
