Монгол Улсын Ерөнхийлөгчийн ивээл дор зохион байгуулагдах жүдо бөхийн “Их дуулга” тэмцээн энэ сарын 19-21-ний өдрүүдэд болно. Улаанбаатарт болох тэмцээнд нийт 62 орны 488 тамирчин оролцохоор мэдүүлгээ өгчээ. Энэ тэмцээн 2028 оны зуны олимпын наадмын оноо олгох анхны тэмцээн гэдгээрээ онцлогтой. Улаанбаатарын “Их дуулга” тэмцээнд Японы алдарт бөх Абэ Үта, Рюүжү Нагаяма, Францын Романи Деко, Азербайжаны Хидайт Хяадаров, ОХУ-ын Инал Тасоев, Мадина Таймазова, Италийн Кристиан Парлати нарын шилдэг жүдочид өрсөлдөхөөр болсон байна. Зохион байгуулах орны даваа эрхийн дагуу манай улсаас нийт 56 жүдоч оролцох боломжтой болжээ.
