АТГ-ын дэргэдэх Олон нийтийн зөвлөлөөс цаг үеийн асуудлаар мэдээлэл хийлээ.
Олон нийтийн зөвлөлийн дарга Г.Ганбат" Бидний зүгээс Монгол Улсын Ерөнхийлөгчийн санаачилсан УИХ-ын гишүүнийг эгүүлэн татах агуулгатай хуулийн төслийг дэмжиж буйгаа илэрхийлсэн. Ард түмэн энэхүү хуулийг батлахыг 34 жил хүлээсэн. Өнөөдөр төрд гурван шатны шүүх хурлаар гэм буруутай нь тогтоогдсон гишүүд сууж байна. Төрөл бүрийн гэмт хэрэгт холбогдсон 30 гаруй гишүүн шударга ёс яриад сууж байгаа.
Үндсэн хуулийн цэцийн шийдвэр огт хэрэгжихгүй байна. Учир нь УИХ өөрийгөө хуулиас дээгүүр тавьчихаж. Цэц УИХ-ын гишүүн төрийн эсрэг гэмт хэрэг үйлдсэн гэх дүгнэлт гаргаад байхад хүртэл түүнийг нь авч хэлэлцдэггүй. Энэ бол маш буруу тогтолцоо. Иймд энэхүү хуулийг бид батлагдтал нь дэмжих болно" гэлээ.
