2025 оны зургаадугаар сарын 15-ны өдрийн байдлаар Сэлэнгэ мөрний эхээр, Хангай нурууны араас усжих Орхон, мөн Хөвсгөлийн уулсаас эх авдаг Үүр, Дэлгэрмөрөн зэрэг голуудын усны түвшин өмнөх өдрөөс 10-40 см-ээр нэмэгджээ. Үүнээс Орхон гол Хархорин сум орчимд, Буянт гол Дэлүүн сум орчимд үерийн түвшинг 15 см-ээр давсан байна.
Маргааш буюу зургаадугаар сарын 16-нд Монгол-Алтай, Хангай, Хөвсгөлийн уулархаг нутгуудаар, Сэлэнгэ голын бэлчир орчим, Дарьгангын тал нутгаар бороо орох төлөвтэй байгаа тул гол мөрний усны түвшин нэмэгдэх эрсдэлтэй байна.
Иймд дээрх голуудын эрэг, хөвөө, сав дагуу нутаглаж буй малчид, тариаланчид, аялж амарч яваа иргэд болон аж ахуйн нэгж байгууллагууд үерийн аюулаас сэрэмжтэй байхыг Ус цаг уур, орчны шинжилгээний газраас анхаарууллаа.