АНУ-ын завсрын сонгуулийн санал хураалт мужуудад үе шаттайгаар дуусаж байна. Тодруулбал,  Флорида, Жоржиа, Нью-Хэмпширийн ихэнх хэсэг, Өмнөд Каролина, Вермонт болон Виржиниа мужийн ихэнх хэсэгт санал хураалт хаагдлаа. Флорида мужид Ардчилсан намаас нэр дэвшсэн, дэвшилтэт үзэл баримтлалтай Эйжи Никсон Бүгд найрамдах намын одоогийн сенатор Эшли Мүүдийг ялахыг зорьж байгаа юм. Энэ удаагийн мөчлөгт Сенатын хоёр тусгай сонгууль болж байгаагийн нэг нь тус мужид болж байна. Харин Жоржиа мужид анх удаа зургаан жилийн бүрэн эрхийн хугацаагаа хэрэгжүүлж буй Ардчилсан намын сенатор Жон Оссофф Ерөнхийлөгч Дональд Трампын дэмжлэгийг авсан Бүгд найрамдах намын конгрессын гишүүн Майк Коллинзын өрсөлдөөнийг даван гарахын төлөө өрсөлдөж байна.

Санал хураалт бүрэн хаагдсаны дараа эхний үр дүнгүүд гарах бөгөөд сонгуулийн тооллого орон нутгийн цагаар мягмар гарагийг дуустал үргэлжилнэ. Зарим тойргийн эцсийн дүн лхагва гарагт болон түүнээс хойш тодорхой болох төлөвтэй байна.

Энэ удаагийн сонгуулиар Төлөөлөгчдийн танхимын 435 суудал, Сенатын танхимын 100 суудлын 35-ын төлөө өрсөлдөж байна. Мөн 36 мужийн сонгогчид амбан захирагчдаа сонгох юм.