
Нийслэлийн нийтийн тээврийн үйлчилгээний хүртээмжийг нэмэгдүүлэх зорилгоор ачаалал ихтэй чиглэлүүдэд 20 автобусыг нэмж үйлчилгээнд гаргаад байна. Мөн шөнийн цагийн хуваариар ажилладаг иргэдэд зориулан 22:00-02:00 цаг хүртэл дөрвөн чиглэлд автобус үйлчилж байна. Тодруулбал, ШҮ:1 Таван шар-Офицеруудын ордон болон ШҮ:2 Сүхбаатарын талбайгаас Нисэх хүртэл үйлчилж эхэллээ. Мөн Чингис хаан олон улсын нисэх буудал зорчих иргэдэд зориулсан тусгай автобус үйлчилж байна.
