УИХ дахь Ардчилсан намын бүлэг ээлжит хурлаараа Монгол Улсын Засгийн газрын 2025 оны 10 дугаар сарын 08-ны өдрийн хуралдаанаар баталсан "Төрийн нууцад хамаарах мэдээллийг ил болгох тухай" тогтоолын хүрээнд "Эрдэнэс Тавантолгой" ХК-аас 2020-2022 онд байгуулсан нүүрс нийлүүлэх 36 оффтейк гэрээний талаар мэдээллийг сонсжээ. Үүнтэй холбогдуулан Ардчилсан намын дарга, УИХ-ын гишүүн О.Цогтгэрэл ирэх долоо хоногт Төрийн болон албаны нууцын тухай хуульд өөрчлөлт оруулах хуулийг өргөн барихаа мэдэгдэв.  Тэрээр цааш нь "Ерөнхий сайд Г.Занданшатар, УИХ-ын дарга Д.Амарбаясгалан нарыг огцруулах асуудлыг хамтад нь хэлэлцэх ёстой. Нэг намын асуудал улс орны асуудал болсон учраас нэн даруй шийдэх ёстой гэж бүлгийн гишүүд үзлээ" гэв.