Дональд Трамп Венесуэлийн Ерөнхийлөгч Мадурог хар тамхины наймаа, авилга, террорист үйл ажиллагаанд холбоотой хэмээн буруутгаж, түүний эсрэг хэрэг үүсгэж байсан юм.
Энэ удаад АНУ мансууруулах бодисын хамгийн том наймаачдын нэг бол Мадуро хэмээн буруутгаж, түүнийг баривчлахад хэрэг болох баримт, мэдээлэлд амласан шагналаа хоёр дахин нэмэгдүүллээ. Ингэснээр тус шагнал 50 сая ам.доллар болж байна.
АНУ-ын Ерөнхий прокурор Пэм Бонди “Колумбын босогчдын FARC бүлэглэл, болон Мексикийн Синалоагийн картель зэрэг хар тамхины сүлжээтэй Мадуро хамсан ажилладаг” гэжээ.
Венесуэлийн Гадаад хэргийн сайд Иван Гил АНУ-ын уг мэдэгдлийг “Улс төрийн гутамшигт суртал ухуулга” хэмээн нэрлэжээ. АНУ дотоод асуудлаасаа анхаарал сарниулах тактик ашиглаж байна гэж нэмж шүүмжлэв.
Венесуэлийн Ерөнхийлөгч Николас Мадуро нь Уго Чавесын ойрын хамтрагч байсан бөгөөд түүнийг нас барсны дараа 2013 онд халааг нь авсан юм.
2025 онд түүнийг дахин сонгогдсоны дараа АНУ, Их Британи болон Европын Холбоо түүний Засгийн газрын эсрэг хориг арга хэмжээ аваад буй.
Мөн Мадурогийн дотно холбоотон, Тагнуулын газрын дарга асан Хюго Карвахаль хар тамхины хэрэгт буруутгагдан, АНУ-д ял авсан нь Мадурогийн эсрэг хэрэгт хамаарал бүхий шинэ баримтууд ил гарч магадгүй гэсэн таамаглалыг өдөөж байна.