УИХ-ын Байгаль орчин, хүнс, хөдөө аж ахуйн байнгын хорооны хуралдаанаар тус Байнгын хорооны даргыг шинээр сонгох тухай асуудлыг хэлэлцлээ. 

УИХ дахь МАН-ын бүлгээс Б.Бат-Эрдэнэ гишүүнийг нэр дэвшүүлсэн ч тэрээр нэрээ татлаа. Эмэгтэй гишүүдийн төлөөллөөр Байнгын хороог удирдуулдах нь зүзйтэй гэж үзэн нэрээ татсан юм. Улмаар МАН-ын бүлгээс М.Мандхай гишүүнийг нэр дэвшүүллээ. Байнгын хорооны хуралдаанд оролцсон гишүүдийн олонх нь М.Мандхайг Байгаль орчин, хүнс, хөдөө аж ахуйн байнгын хорооны даргаар сонгохыг дэмжив.

Байгаль орчин, хүнс, хөдөө аж ахуйн байнгын хорооны даргын албан тушаалаа хүлээлгэн өгч буй Б.Бейсен гишүүн нь 2024 оны сонгуулийн дараа МАН, АН хамтарсан Засгийн газар байгуулах үед тус Байнгын хорооны даргаар сонгогдсон юм.