УИХ дахь ХҮН намын зөвлөлийн хурлаар Туул голын хурдны замын асуудлаар Нийслэлийн засаг даргын орлогч болон Усны газрын мэдээллийг сонссон байна. Улмаар "Туулын хурдны замын үр өгөөж, байгаль орчны нөлөөллийг судалж, санал дүгнэлт боловсруулах" ажлын хэсэг байгуулж, УИХ-ын гишүүн П.Ганзориг ахлахаар боллоо.

УИХ-ын гишүүн П.Ганзориг "32 км урт, гүүрэн байгууламж бүхий замыг 2.3 их наяд төгрөгөөр барих тухай мэдээлсэн. Татвар төлөгчдийн мөнгөө ийм бүтээн байгуулалт хийх нь үр ашигтай юу. Нөгөө талдаа түгжрэлийг 30-40 хувь бууруулна гэсэн тооцоо судалгаа хэр бодитой болохыг нарийвчилж харна" гэв.