Ерөнхий сайд Н.Учрал Нийслэлийн Засаг дарга бөгөөд Улаанбаатар хотын захирагч Х.Нямбаатарыг албан тушаалаас нь чөлөөлж байгаагаа мэдэгдсэн. Улмаар захирамж гаргаж Нийслэлийн Засаг дарга бөгөөд Улаанбаатар хотын захирагчийн үүргийг түр орлон гүйцэтгэгчээр Нийслэлийн Засаг даргын нэгдүгээр орлогч Б.Мөнхбатыг томиллоо.

ЗГХЭГ-ын дарга Б.Энхбаяр Нийслэлийн Засаг даргын Тамгын газарт очиж Ерөнхий сайдын захирамжийг танилцуулан НЗД бөгөөд Улаанбаатар хотын захирагчийн тамгыг Б.Мөнхбатад гардуулав. Мөн тэрээр 14 хоногийн хугацаанд НИТХ хотын даргад нэр дэвшигчийг тодруулан саналаа Ерөнхий сайдад хүргүүлэх хуулийн зохицуулалттайг санууллаа.