Их эзэн Чингис хааны мэндэлсэн өдөр буюу Монгол бахархлын өдрийг тохиолдуулан олгодог төрийн дээд шагнал, тэргүүн зэргийн “Чингис хаан” одонг энэ жил Монгол Улсын Шинжлэх ухааны академид хүртээхээр болжээ.
Тус одонг гардуулах ёслол маргааш буюу арваннэгдүгээр сарын 10-ны өдрийн 11.40 цагт болно.
Ийнхүү Монгол Улсын Шинжлэх ухааны академи нь “Чингис хаан” тэргүүн зэргийн одон хүртэх 20 дахь шагналтан болж байна.
Монголчуудын эрдэм ухааныг эрхэмлэн дээдэлж, эрдэмтэн мэргэдээ хүндэтгэн ирсэн түүхэн уламжлалыг орчин цагийн шинжлэх ухааны тогтолцоотой холбон хөгжүүлж, үндэсний эрдэм судлалын чадавхыг төлөвшүүлэн, эх хэл, түүх, соёлын өвийг судлан шинжилж, олон улсад сурталчлан таниулж, эх орныхоо хөгжил дэвшилд оруулсан үнэтэй хувь нэмэр, түүхэн гавьяаг нь ийнхүү үнэлж уг шагналыг өгч буй юм байна.
“Чингис хаан” одон хүртсэн эрхмүүд, байгууллагууд (2005–2025 он)
