УОК-ын шуурхай хуралдаан зарлаж 21 аймгийн удирдлагад үүрэг чиглэл өглөө. Мөн үеэр Цаг уур, орчны шинжилгээний газрын хэлтсийн дарга Л.Оюунжаргал энэ өвлийн цаг агаарын талаар товч мэдээллээ.
Тэрээр "Энэ өвөл зүүн аймгуудын нутгаар хур тунадас олон жилийн дунджаас ахиу, баруун аймгуудын хойд хэсгээр мөн ахиу хур тунадастай, бусад нутгаар олон жилийн дундаж орчим байх урьдчилсан төлөвтэй. Мөн зарим бүс нутагт зудын эрсдэл нэмэгдэх хандлагатай байгаа" гэв.
УОК-ын шуурхай хуралдаанаар өвөлжилт хүндэрч эхэлсэн аймгуудад улсын нөөцөөс өвс, тэжээл олгох хуваарь гаргаж, бэлтгэл ажлыг хангаж байгааг мэдээллээ.
