Энэ оны эхний улиралд 243 хүүхэд эмийн хордлогод өртсөнийг НЭМҮТ-өөс мэдээллээ.
Тодруулбал, өдөрт 3-5 хүүхэд эмийн хордлогод өртөж байгаа аж. Тиймээс эмийг зөв хадгалах нь хүүхэд хордох эрсдэлийг 60-80 хувь бууруулдаг болохыг сануулав.
Эмийн бодисын хордлого гэж юу вэ?
Эмийн бодисын хордлого гэдэг нь хүний биед эмийн бодис зохисгүй тунгаар, буруу замаар, эсвэл тухайн хүнд тохирохгүй нөхцөлд хэрэглэснээс болж бие махбодод сөрөг, хортой нөлөө үзүүлж, хэвийн үйл ажиллагааг нь алдагдуулсан эмгэг байдал юм.
