Уржнан жилийн хоёрдугаар сард эхэлсэн Орос, Украины дайн намжих шинжгүй байна. АНУ-ын Ерөнхийлөгч Дональд Трамп ОХУ-ыг гал зогсоох арга хэмжээ авахгүй бол худалдааны түншүүдэд нь өндөр хэмжээний татвар тогтооно гэдгээ мэдэгдсэн билээ.

Тэгвэл ирэх долоо хоногийн лхагва гарагт ОХУ-ын Ерөнхийлөгч Путин, Америкийн Ерөнхийлөгч Трамп нар уулзаж хэлэлцээр хийх болсныг Кремль албан ёсоор баталлаа. Гэвч тэдний уулзалт дайныг төдийлөн түргэн дуусгахгүй болов уу хэмээн шинжээчид харж байна.

Трампын санал болгосноор Орос, Украин улсуудын удирдагчид гурван удаа хэлэлцээр хийсэн ч талууд энх тайванд хүрч чадаагүй агаад дайны нөхцөл байдал улам хурцадсан билээ.

Оросын улс төр судлаач Татьяна Становая “Мэдээж Оросын тал уулзалтыг олон арван янзаар тайлбарлаж, нухацтай хэлэлцээр хийсэн гэх нээлттэй сэтгэгдлийг төрүүлнэ. Гэвч Орос улс Киевийг бууж өгөхийг хүсэж байгаа. Энэхүү үндсэн байр суурь өөрчлөгдөхгүй хэвээр байна” гэжээ.