Талбайн теннисний нэр хүндтэй тэмцээний нэг болох “Mubadala DC Open” буюу Вашингтоны нээлттэй тэмцээний эмэгтэйчүүдийн ганцаарчилсан төрөлд Филиппиний залуу теннисчин Александра Эала түрүүллээ. Тэрээр шигшээ тоглолтод АНУ-ын Пегилаг 4-6, 6-4, 6-0-оор хожиж анхны түрүүгээ хүртлээ. WTA500 ангилалд багтдаг энэ тэмцээнд Эала олон шилдэг теннисчдийг хожиж финалд хүрсэн байна. Олимпын аварга БНХАУ-ын Жэнь Чинвэн, “Их дуулга”-ын дөрвөн удаагийн аварга Наоми Осака, дэлхийн чансааны 10-т бичигдэж буй Украйны Элина Свитолина болон Канадын Фернандез нарын шилдэг теннисчид энэ удаа Эалаг зогсоож чадсангүй.

Энэ жилийн “Уимблдон”-ы дөрөвдүгээр тойрогт шалгарсан Эала өдгөө дэлхийн чансааны 20-д эрэмбэлэгдэж байна. Түүний тэмцээнээс олж буй шагнал 2 сая ам.долларыг давжээ. Филиппиний залуу теннисчин Эалаг одоо энэ сарын 30-нд эхлэх Америкийн нээлттэй тэмцээн хүлээж байна.