2025 оны эцэст мал тооллогын урьдчилсан дүнгээр, улсын хэмжээнд нийт 58.1 сая толгой мал, үүнээс 5.1 сая адуу, 5.4 сая үхэр, 501.3 мянган тэмээ, 23.9 сая хонь, 23.2 сая ямаа тоологдов. Малын тоо өмнөх оныхоос 454.6 мянгаар өсжээ. Төрлөөр нь авч үзвэл, адуу 445.4 мянга, үхэр 367.0 мянга, ямаа 250.1 мянга, тэмээ 20.7 мянгаар тус тус өссөн бол хонь 628.7 мянгаар буурчээ.
2025 оны тооллогын дүнгээр, нийт сүрэгт хонь 41.1 хувь, ямаа 39.9 хувь, үхэр 9.4 хувь, адуу 8.8 хувь, тэмээ 0.9 хувийг эзэлж байна. Нийт сүрэгт таван төрлийн малын эзлэх хувийг мал хувийн өмчид шилжиж эхэлсэн 1990 онтой харьцуулахад ямааны эзлэх хувь 20.8 нэгж хувиар, үхэр 1.2 нэгж хувиар, тэмээ 1.1 нэгж хувиар тус тус өсжээ. Харин хониных 15.1 нэгж хувиар, адуу 0.4 нэгж хувиар буурсан байна.
Мал тооллогын дүнгээр Хөвсгөл аймаг нийт 5.3 сая толгой мал тоолуулсан бол, Өвөрхангай аймаг 5.1 сая толгой, Архангай аймаг 4.4 сая толгой, Баянхонгор аймаг 4.2 сая толгой, Төв аймаг 4.1сая толгой мал тоолуулсан гэдгийг Үндэсний статистикийн хорооноос мэдээллээ.
