БНХАУ-н ӨМӨЗОрны Ордос хотод болж буй жүдо бөхийн насанд хүрэгчдийн Ази тивийн аварга шалгаруулах тэмцээний хоёр дахь эмэгтэйчүүдийн 57 кг, 63 кг, 70 кг, эрэгтэйчүүдийн 73 кг, 81 кг-ын жингийн аваргууд тодорлоо.
Манай улсаас таван жүдоч дэвжээнд гарснаас 63 кг-д ДАШТ-ий мөнгө, хошой хүрэл медальт Г.Энхрийлэн финалын барилдаанд Хойд Солонгосын бөх Ким Жи Инийг ялж Азийн аварга боллоо. Энэ нь Монгол Улсын багийн гурав дахь алтан медаль юм.
57 кг-д өсвөрийн дэлхийн аварга Т.Ариунзаяа финалын барилдаанд Хойд Солонгосын бөх Ким Хёонд ялагдан мөнгөн медаль хүртлээ. Энэ жил 19 настай түүний хувьд Азийн аварга шалгаруулах тэмцээний финалд хоёр жил дараалан шалгарлаа.
70 кг-ын жинд С.Лхагвадулам хүрэл медалийн төлөө барилдахаар болсон бол манай эрчүүд хоёрдугаар тойргоос тэмцээнээ дуусгалаа.
Тэмцээний сүүлийн өдөр буюу маргааш эмэгтэйчүүдийн -78 кг, +78 кг, эрэгтэйчүүдийн 90 кг, 100 кг, +100 кг-ын жингийн аваргууд тодорно.
