Өнгөрсөн оны арванхоёрдугаар сарын агаарын дундаж температур өмнөх жилийнхээс -0.3 хэмээр хүйтэн, олон жилийн дунджаас 1.1 хэмээр дулаан байжээ. 

Ийнхүү 1940 оноос хойш тохиолдож байгаа 31 дэх дулаан сар болж байгаа аж. Сарын агаарын дундаж температурын хувьд нийт өдрийн 55.8 хувьд нь олон жилийн дунджаас 1.1-5.4 градусаар дулаан байжээ. 

Харин Завханы Отгон, Баянхонгорын Байдраг, Хөвсгөлийн Ренчинхлүмбэ, Цагаан-Үүр орчмоор -20 градусаас дээш хэмтэй хүйтэрчээ. Мөн Увсын Тэс, Завханы Баянтэс, Сэлэнгийн Ерөө, Төв аймгийн Алтанбулаг, Улаанбаатарын Багануур, Буянт-Ухаа орчмоор 15-19 хоногт -30 хэм давж хүйтэрсэн байна.

Харин хур тунадасын хувьд Монгол орны хэмжээнд дунджаар 1.6 мм байсан нь өмнөх жилийнхээс 55.8, олон жилийн дунджаас 47.3 хувиар бага орсон байна. Энэ нь 1940 оноос хойш тохиолдож байгаа 19 дэх бага тунадастай сар болж өнгөрөв.