Инфляц өнгөрсөн 7 дугаар сард улсын хэмжээнд жилийн 13.0 хувьд хүрч, өмнөх сараас 1.0 нэгж хувиар нэмэгджээ. Инфляц ийнхүү нэмэгдэхэд:

• Шатахууны үнэ сарын 4.6 хувиар, жилийн 20.2 хувиар нэмэгдэж, нийт инфляцын 1.2 нэгж хувийг бүрдүүлсэн,
• Импортын хүнсний бус барааны бүлгийн үнэ 5.3 хувиар өсөж, инфляцад үзүүлэх нөлөө өмнөх сараас 0.4 нэгж хувиар нэмэгдэж 1.8 нэгж хувьд хүрсэн,
• Дотоодын хүнсний үнийн өсөлт үргэлжилснээр нийт инфляцын 6.5 нэгж хувийг бүрдүүлсэн нь голлон нөлөөлжээ.