Цахим ертөнцийн “Counter Strike2” тоглоомын нэгдүгээр зэрэглэлийн "FISSURE Playground 2" тэмцээн Сербийн Белград хотод болж байна. Тус тэмцээний аваргын төлөө “The MongolZ” баг болон Бразилийн FURIA багууд шалгарсан. Уг тоглолт өнөө шөнө болно. Тоглолт Улаанбаатарын цагаар 23:00-с эхэлнэ.
"FISSURE Playground 2" тэмцээний финалд шалгарсан “The MongolZ” баг шөвгийн наймд Европын “G2 Esports” багийг, хагас шигшээд Нидерландын “Team Liquid” багуудыг хожсон юм.
1,2 сая ам.долларын шагналын сантай "FISSURE Playground 2" тэмцээний аварга болсон баг 360 мянган ам.доллар, дэд байранд орсон баг 230 мянган ам.долларын мөнгөн шагнал хүртэнэ.
