Берлин хотноо жил бүр уламжлал болгон зохион байгуулагддаг "Кристофер Стрит Дэй" (CSD) парадын үеэр тээврийн хэрэгсэл цугласан олон руу дайран орсны улмаас нэг хүн амь үрэгдэж, 30 шахам хүн бэртэж гэмтсэн харамсалтай хэрэг гарлаа. Гэмтсэн хүмүүсийн заримынх нь биеийн байдал нэн хүнд байгаа аж.
Цагдаагийн байгууллагаас мэдээлснээр цагаан өнгийн автомашин Бранденбургийн хаалганы ойролцоох Тиергартен паркийн бүс рүү маш хүчтэй дайран орж, олон хүнийг мөргөжээ. Автомашин мод мөргөж зогсоход сэжигтэн иргэд рүү мачете маягийн хурц хутгатай дайрч байгаад хэргийн газраас зугтсан байна. Германы цагдаагийн байгууллагаас сэжигтнийг 21 настай Абдул Баллут гэгч болохыг олж тогтоон, орон даяар эрэн сурвалжилж эхэллээ. Ливан гаралтай Германы иргэн тэрээр исламын шашны туйлширсан бүлэглэлүүдтэй холбоотой төдийгүй өмнө нь хэд хэдэн удаа гэмт хэрэгт холбогдож байсан аж.
Европын хамгийн том ЛГБТК+ арга хэмжээнүүдийн нэг болох Кристофер Стрит Дэй (CSD) парадад жил тутам сая шахам оролцдог ч халдлагын улмаас баярын үйл ажиллагааг шууд зогсоосон байна.
