Монгол Улсад сүүлийн 25 жилийн хугацаанд нийт 3961 удаагийн ой, хээрийн түймэр бүртгэгдсэн байна. Цаг уур, орчны шинжилгээний байгууллагын тайлангаас үзэхэд 2002, 2015, 2025 онуудад түймрийн тоо хамгийн өндөр байжээ.

Өнөөдөр буюу гуравдугаар сарын 30-ны байдлаар нийт нутгаар агаарын температур нэмэгдэж, цасан бүрхүүл хайлж, салхи шуургатай байгаатай холбоотойгоор хуурайшлын зэрэг нэмэгдэж байна.

Одоогийн байдлаар:

• Говь-Алтай, Өмнөговь, Дорноговийн өмнөд хэсгээр хуурайшилт нэн аюултай түвшинд хүрчээ.
• Ховдын зарим хэсэг, Баянхонгорын өмнөд, Ой, хээрийн бүс нутаг болох Архангайн зүүн, Хөвсгөл, Хэнтийн өмнөд, Дархан-Уул, Төв аймгийн зарим сумдаар, Булган, Өвөрхангай, Сүхбаатар, Дорнод, Дундговь, Дорноговийн ихэнх нутгаар түймрийн эрсдэл их байна.
• Сэлэнгийн нутаг, Хөвсгөл, Хэнтийн хойд сумдаар эрсдэлийн зэрэг дунд түвшинд байна.

Иймд хаврын хуурайшилтын улиралд иргэд,

•   Ил задгай гал түлэхгүй байх 

•  Тамхи, шүдэнзний галыг бүрэн унтраах 

•  Хог, өвс шатаахгүй байх

• Аялал, зугаалгаар явахдаа галын аюулгүй байдлыг чанд мөрдөхийг анхаарууллаа.