Өмнөд Солонгос улсын Засгийн газар энэ сарын 6-ны өдөр Сөүлийн Засгийн газрын цогцолборт "Аялал жуулчлалыг дэмжих жижиг бодлогын ажлын хэсэг"-ийн хурал хийсэн юм. Уг хурлын үеэр тус улсын Ерөнхий сайд Ким Мин Сек “Хятадын бүлэг жуулчдыг ирэх оны есдүгээр сарын 29-нөөс зургадугаар сарын 30-ны хооронд визгүй зорчихоор шийдвэрлэсэн” талаар мэдээллээ.

Тус улсын Засгийн газар “Дотоод аялал жуулчлалын зах зээл хурдацтай сэргэж байгаа энэ үед визгүй зорчих бодлого хэрэгжсэнээр орж ирэх нэмэлт эрэлтийг идэвхжүүлж, орон нутгийн эдийн засгийг сэргээж, дотоодын эрэлт хэрэгцээг нэмэгдүүлнэ” гэж үзжээ.

Хятад улс өмнө нь өнгөрсөн оны арваннэгдүгээр сард БНСУ-ын иргэдийг визгүй зорчуулахыг зөвшөөрсөн бөгөөд Солонгосын засгийн газар мөн аравдугаар сард болох Хятадын үндэсний баярыг угтан уг бодлогыг түр хугацаанд хэрэгжүүлэхээр болов.