Монгол Улсын хэмжээнд өнөөдрийн байдлаар нийт 53 вагон буюу 3180 тонн АИ-92 автобензин импортлогдон орж ирснийг холбогдох өртөөнд буулгажээ. Мөн БНХАУ-аас худалдан авч буй АИ-92 авто бензиний эхний ачилтыг өнөөдөр хийж, лхагва гарагт оруулж ирэх төлөвлөгөөтэй байгааг Аж үйлдвэр, эрдэс баялгийн яамнаас мэдээллээ.

Импортын хуваарилалт: 

• Толгойт өртөө – 26 вагон
• Рашаант өртөө – 4 вагон
• Замд яваа (Сүхбаатар өртөөнөөс хөдөлсөн) – 23 вагон

Замд буй 23 вагоны чиглэл: Сүхбаатар өртөөнөөс хөдөлсөн 23 вагоныг дараах өртөө рүү тээвэрлэж байна.

Үүнд,

• Рашаант өртөө – 4 вагон
• Улаанбаатар өртөө – 5 вагон
• Толгойт өртөө – 4 вагон
• Дархан өртөө – 5 вагон
• Сайншанд өртөө – 5 вагон

Импортын нийлүүлэлтийн нөхцөл байдал:

ОХУ-аас нийлүүлэгдэх АИ-92 автобензиний хэмжээ эрс нэмэгдэж, ирэх өдрүүдэд ердийнхөөс хоёр дахин их хэмжээний импорт хийгдэхээр төлөвтэй байна.