Боловсролын сайд П.Наранбаяр Засгийн газрын хуралдааны дараа мэдээлэл өглөө.
Тэрээр "Засгийн газар багш, ажилчдын цалинг 20 хувиар нэмэх шийдвэр гаргалаа. Ингэснээр энэ салбарт ажиллаж байгаа 90 гаруй мянган хүний үндсэн цалин нэмэгдэхээр болж байна. Урсгал зардлаасаа танаж байж цалин нэмэхээр болж байна. Эдийн засгийнхаа бололцоонд тааруулж энэ шийдвэрийг гаргаж байна. Түүнээс шууд багш нарын үндсэн цалинг 3.5 сая болгох боломжгүй. Төлөвлөгөө гаргаад жил бүр нэмээд явах л боломж бий" гэлээ.
