БНХАУ жил тутмын эдийн засгийн өсөлтийн зорилтоо 4.5%–5% болгон бууруулжээ. Энэ нь 1991 оноос хойших хамгийн бага өсөлтийн зорилт юм.
Энэ мэдээлэл Хятадын хамгийн том улс төрийн уулзалт болох “хоёр чуулган”-ы үеэр зарлагдсан бөгөөд тус улсын 15 дахь Таван жилийн төлөвлөгөөний зарим мэдээллийг мөн танилцуулжээ.
Хятад улс эдийн засгаа шинэчлэн өөрчлөх зорилготой байгаа бөгөөд дотоод хэрэглээ сул, хүн ам буурч байгаа, үл хөдлөх хөрөнгийн хямрал, дэлхийн худалдааны зөрчил, Ираны дайнаас үүдэлтэй эрчим хүчний дарамт гэсэн сорилтуудтай тулаад буй.
Шинжээчдийн үзэж буйгаар уг шинэ, уян хатан зорилт нь эдийн засгийг удирдах илүү зай гаргаж өгөх аж.
Хятадын Ерөнхий сайд Ли Чиангийн танилцуулсан 46 хуудас тайланд:
Тайланд мөн ирэх таван жилд 100 гаруй том төсөл хэрэгжүүлж шинжлэх ухаан, технологи, тээвэр, эрчим хүчний салбарыг өргөжүүлэхээр төлөвлөсөн байна.
Бээжин мөн хиймэл оюун ухааны технологийг (AI) олон салбарт нэвтрүүлэх зорилготой байна. Хятад улс ногоон эрчим хүчийг нэмэгдүүлж, нүүрстөрөгчийн ялгарлыг бууруулах зорилт тавьжээ.
Хятад улсын ДНБ-ийн өсөлт 2021-2025 онГэхдээ тус улс хөгширч буй хүн ам, төрөлт буурах зэрэг асуудалтай тулгарч байна. Албан ёсны статистикаар 2025 онд Хятад 5 хувийн эдийн засгийн өсөлт үзүүлсэн ч жилийн сүүлийн улиралд өсөлт 4.5 хувь болж саарсан.
Хятадын эдийн засагт үл хөдлөх хөрөнгийн салбарын хямрал хүчтэй нөлөөлж байна. Энэ салбар өмнө нь эдийн засгийн бараг гуравны нэгийг бүрдүүлдэг байсан.
Мөн Хятад 2025 онд 1.19 их наяд ам.долларын худалдааны илүүдэл бүртгэж, дэлхийн түүхэнд хамгийн их хэмжээнд хүрсэн байна. Гэхдээ энэ нь тус улсыг экспортод хэт хамааралтай болгосон. АНУ-ын ерөнхийлөгч Трампын тарифын бодлого ч Хятадын экспортод нэмэлт дарамт учруулж байна. Трамп ирэх 4-р сард Хятадад айлчилж, Хятадын дарга Ши Жиньпинтэй энэ жилийн анхны нүүр тулсан уулзалт хийхээр төлөвлөжээ.
