Монгол Улсын Ерөнхийлөгчийн ивээл дор болж буй жүдо бөхийн насанд хүрэгчдийн Улаанбаатарын “Их дуулга” тэмцээн өнөөдөр эхэллээ. 58 орны 454 жүдоч зодоглож буй тэмцээний эхний өдөр эрэгтэйчүүдийн 60, 66 кг, эмэгтэйчүүдийн 48, 52, 57 кг-ын жингийн аваргууд тодорно.
48 кг-д олимпын мөнгөн медальт, дэлхийн аварга, гавьяат тамирчин Б.Баасанхүү тэргүүтэй 30 жүдоч барилдаж байна. Энэ жинд манай улсаас Г.Наранцэцэг, Ж.Анударь, Г.Булган гэсэн тамирчид багтсан.
Харин 52 кг-д олимп, дэлхийн аварга Японы алдарт бөх Абэ Үта тэргүүтэй бөхчүүд барилдаж байна. Энэ жинд манай улсаас М.Нандин-Эрдэнэ, Ц.Гал-Од, Б.Уранзаяа, О.Оюунчимэг нарын жүдочид бий. Эрчүүдийн өнөөдөр болох хоёр жинд ДАШТ-ий хүрэл медальт К.Ёолк нарын найман жүдоч барилдаж байна.
“AIC Steppe Arena”-д болж буй тэмцээний финалын барилдаан 17.00-с эхэлнэ.
