Францын өмнөд хэсэг болох Окситани мужид гарсан түймрийн улмаас нэг эмэгтэй нас барж, хэдэн арван хүн гэмтэж бэртжээ.
Сүүлийн 80 жилд бүртгэгдээгүй томоохон хэмжээний ой хээрийн түймэр гарсан нь өдгөө нийслэл Парис хотоос ч илүү талбайг хамраад байна.Тиймдээ ч олон мянган байшин барилга нурж, 2.500 орчим айл өрх цахилгаангүй болжээ.
15 мянга гаруй га талбайг хамарч, хурдацтай тархаж буй уг ой хээрийн түймрийг унтраахаар 2.000 орчим гал сөнөөгчид ажиллаж байгаа аж. Харин Гал сөнөөх албаны өнөө өглөөний мэдээллээр ойр орчмын хэлтсээс 500 орчим гал сөнөөгч, ачааны машин, нисэх онгоцоор хүч нэмэгдүүлэн яаралтай ажиллагааг үргэлжлүүлж байна хэмээжээ.