Улсын хэмжээнд 3500 багш дутагдалтай байгаа нь цалинтай шууд холбоотой. Гэвч багш нарын цалинг шууд нэмэх эдийн засгийн нөөц, боломж хязгаарлагдмал байгааг Боловсролын сайд П.Наранбаяр хэвлэлд өгсөн ярилцлагадаа онцолжээ.

Тэрээр энэ талаар “Гурван яамны мэргэжилтнүүд хамтарч ажлын хэсэг байгуулсан. Үр дүн нь төсвийн хуулиар гарч ирэх болов уу гэж харж байна. Эдийн засаг хүндрэлтэй байна. Эдийн засгийн хүчин чадалдаа тааруулж асуудлаа харах хэрэгтэй. Бид төсвийн зардлынхаа 20 хувийг боловсролын салбарт зарцуулах юм бол асуудлыг шийдвэрлэх боломжтой. Өнөөдөр 12.5 хувьтай байгаа. Бидний хийсэн тооцоогоор улсын хэмжээнд 3500 багш дутагдалтай байна. Ялангуяа, хөдөө орон нутагт хими, математикийн багш ихээр дутагдаж байна. Бид багшийн дутагдал арилгах зугаан багц арга хэмжээ авсан нь тодорхой хэмжээнд үр дүнгээ өгч байгаа” гэсэн юм.