Засгийн газрын хуралдааны дараа Хот байгуулалт, барилга, орон сууцжуулалтын сайд Э.Бат-Амгалан мэдээлэл өглөө.
Тэрээр "Өнөөдрийн Засгийн газрын хуралдаанаар Барилга хот байгуулалт, барилга, орон сууцжуулалтын яамтай холбоотой нэгэн чухал шийдвэр гарлаа. Сүхбаатар дүүргийн есдүгээр хороо Ногоон нуур орчимд БНХАУ-ын буцалтгүй тусламжаар 2022-2025 оны хооронд хэрэгжсэн 1008 айлын орон сууцны төсөл амжилттай хэрэгжиж өнгөрсөн долоо хоногт хүлээж авлаа. 1008 айлын орон сууцнаас газраа чөлөөлсөн 756 айлд орон сууц өмчлүүлэх, үлдсэн 252 айлын орон сууцыг нь түрээслүүлэх Засгийн газрын тогтоол батлагдлаа. Түрээсийн төлбөр нэг мкв нь 6000 төгрөгийн үнэтэй.
Өнгөрсөн гурван жилийн хугацаанд БНХАУ-ын буцалтгүй тусламжаар баригдсан энэ төсөл нийтдээ 4.4 га-д 960 хүүхдийн сургуультай, 250 хүүхдийн цэцэрлэгтэй. Сургууль, цэцэрлэг нь ирэх жил ашиглалтад орно.
2018 оноос хойш манай салбар дээр гацсан томоохон төсөл хөтөлбөрүүдийг нэлээд анхаарч ажиллаж байна. Солонго нэг, хоёр төслийг энэ онд багтааж хүлээлгэж өгөх ажлыг шат дараатай хэрэгжүүлж байгаа.
2026 онд цэвэрлэх байгууламжийн ажлыг хүлээж авахаар төлөвлөгөөт ажлууд явж байна" гэв.
