Хятадад хийж буй айлчлалынхаа эхний өдөр Дональд Трамп хоёр талын хэлэлцээнд оролцож, төрийн хүндэтгэлийн зоог барина.
Трамп лхагва гаргийн орой Бээжинд газардсан нь түүний 2017 оны арваннэгдүгээр сараас хойш Хятадад хийж буй анхны айлчлал болж байна.
Түүний айлчлал АНУ болон Ираны хооронд Ойрхи Дорнодын дайныг дуусгах, мөн стратегийн ач холбогдолтой Ормузын хоолойг дахин нээх асуудлаарх энхийн хэлэлцээ мухардмал байдалд орсон үед болж буй.
Хоёр удирдагч хамгийн сүүлд өнгөрсөн онд Бусан хотноо болсон Ази-Номхон далайн эдийн засгийн хамтын ажиллагааны дээд хэмжээний уулзалтын үеэр нүүр тулан уулзсан юм. Тухайн үед тэд одоо мөрдөгдөж буй тарифыг бууруулах, мөн Хятадын газрын ховор элементийн экспортын хязгаарлалт зэрэг цаашдын худалдааны хориг арга хэмжээг түдгэлзүүлэх зорилготой нэг жилийн худалдааны эвлэрэлд хүрч байжээ.
Трампын хамт Бээжинд ирсэн АНУ-ын Төрийн нарийн бичгийн дарга Марко Хятад улсыг “манай хамгийн том улс төрийн сорилт” хэмээн тодорхойлжээ.
Тэрээр “Бидний ашиг сонирхол тэдний ашиг сонирхолтой зөрчилдөх асуудлууд гарна. Дайн гарахаас сэргийлж, дэлхий дахинд энх тайван, тогтвортой байдлыг хадгалахын тулд бид энэ харилцааг зохицуулах хэрэгтэй болно” гэж хэлжээ.
Бээжингийн цагаар өглөөний 10:00 цагт БНХАУ-ын дарга Ши Жиньпин АНУ-ын Ерөнхийлөгч Дональд Трампыг албан ёсоор угтах хүндэтгэлийн ёслол эхэлнэ.
Хоёр удирдагч Ардын Их Танхимд хоёр талын уулзалт хийх бөгөөд хэлэлцээний үеэр:
Газрын тосны үнэ өсөж, удааширч буй эдийн засагт нь дарамт учруулж буй энэ үед Хятад улс Ираны мөргөлдөөнд боломжит зуучлагчийн байр суурийг чимээгүйхэн эзлэхийг оролдож байгаа юм.
Албан ёсны уулзалтын дараа Трамп болон Ши нар XV зуунд байгуулагдсан түүхэн цогцолбор болох Диваажингийн сүмд зочилж, дараа нь төрийн хүндэтгэлийн зоогт оролцоно.
Хятадад хийх айлчлалынхаа өмнө Трамп худалдааг гол асуудал гэж онцолсон бөгөөд тэрээр арваннэгдүгээр сард болох АНУ-ын Конгрессын завсрын сонгуулийн өмнө сонгогчдын сэтгэл зүйд нөлөөлөхүйц эдийн засгийн бодит амжилт гаргахыг зорьж байгаа юм.
Ялангуяа Трамп Хятадаас:
Ойрхи Дорнодын мөргөлдөөн уулзалтын гол сэдвүүдийн нэг байх төлөвтэй байна. Учир нь Трамп хэдэн сар үргэлжилж буй Ираны дайнаас гарах гарц хайж байгаа бөгөөд газрын тос, бордоо болон бусад чухал бараа бүтээгдэхүүний тээврийн чухал зам Ормузын хоолойг дахин нээхийг хүсэж байгаа юм.
Хятад улс өөрөө ч үргэлжилж буй дайнд болгоомжтой хандаж байгаа бөгөөд уг хоолойн тээвэр доголдвол эрчим хүчний нийлүүлэлтэд нь аюул учирч болзошгүй.
Хятад эрчим хүчний өөр эх үүсвэрт шилжихийг оролдож, газрын тосны томоохон нөөц бүрдүүлсэн ч мөргөлдөөн дэлхийн хоёр дахь том эдийн засагт урт хугацааны эрсдэл бий болгож байна.
Хэлэлцэх бусад асуудалд Хятад өөрийн нутаг дэвсгэрийн нэг хэсэг гэж үздэг өөртөө засах ардчилсан бүс Tайванийн аюулгүй байдал, мөн хоёр улсын технологийн өрсөлдөөн, ялангуяа хиймэл оюуны салбар багтаж байна.
Зарим ажиглагчдын үзэж буйгаар Трамп болон Ши нар Умард Солонгосын асуудлыг мөн хөндөж магадгүй аж.
Учир нь Трамп БНАСАУ-ын удирдагч Ким Жон Унтай дипломат яриа хэлэлцээгээ сэргээх хүсэлтэй байгаагаа удаа дараа илэрхийлсэн бол Хятад улс Пёньянтай тогтвортой дипломат болон эдийн засгийн харилцаагаараа дамжуулан нөлөөгөө хадгалсаар байгаа юм.
Баасан гарагт тэд цайны уулзалт болон ажлын өдрийн зоог барьсны дараа Трамп эх орон руугаа буцах юм.
Энэ долоо хоногийн дээд хэмжээний уулзалт нь энэ жил Трамп болон Ши нарын хооронд болох магадлалтай цуврал хоёр талын уулзалтуудын эхлэл гэж шинжээчид үзэж байна.
Үүнд:
