УИХ-ын гишүүн П.Сайнзориг сэтгүүлчдэд мэдээлэл өглөө.
Тэрээр "Ерөнхийлөгч хориг тавих бүрэн эрхтэй. Харин Ерөнхий сайдыг огцруулахдаа Үндсэн хууль зөрчсөн асуудал байхгүй.
Нэг ноцтой асуудал байгаа. УИХ-ын чуулганы хуралдааны ирцийн асуудал буюу УИХ-ын чуулганы хуралдах хүчин төгөлдөр ирц байхад чуулганы хуралдааныг сунган хуралдуулах шийдвэр гаргасан нь чуулганы дэгийн тухай хуулийг зөрчлөө гэсэн байсан. Энэ асуудлыг УИХ нэг талдаа гаргаад авлаа гэж тооцоход Г.Занданшатар дарга үлдэх юм шиг байна. Д.Амарбаясгалан даргын асуудал бас хэвээрээ үлдэх ёстой. Мөн адил энэ асуудалд хориг тавигдах ёстой.
Мөн 2026 оны улсын төсвийн хоёрдугаар хэлэлцүүлгийг гуравдугаар хэлэлцүүлэгт шилжүүлсэн. Энэ шийдвэр хүчин төгөлдөр бус болж байна.
Цэц төвийг сахиж ажиллах ёстой. Гэтэл өнөөдөр эргэлзээтэй харагдаж байна. Ерөнхий сайдыг 17-нд огцруулсан. Гэтэл Цэц 16-нд гараагүй шийдвэр дээр маргаан үүсгэсэн. Шийдвэр гарсны дараа маргаан үүсгэх ёстой шүү дээ.
Мөн Цэц эхлээд Дунд суудлаа хуралдуулах ёстой. Гэтэл ямар үндэслэлээр шууд Их хуудлаа хуралдуулахаар болсон нь ойлгомжгүй байна.
Маргаан үүсгэсэн Цэцийн гишүүн О.Мөнсайхан ашиг сонирхлын зөрчилтэй. 2019 оны Үндсэн хуулийн өөрчлөлт дээр ажилласан. Ингэхдээ тухайн үеийн УИХ-ын дарга Г.Занданшатартай гэрээгээр ажиллаж байсан. Хэдэн ч сая төгрөгөөр гэрээ байгуулан ажиллаж байсан гэдэг билээ.
Нэг асуудал дээр Цэц маргаан үүсгэсэн, Ерөнхийлөгч хориг тавьсан анхны тохиолдол боллоо.
Ерөнхийлөгчийн хоригийг Тамгын газрын дарга, зөвлөх нь танилцуулж болно. Гэтэл өнөөдөр ҮАБЗ-ийн нарийн бичгийн дарга буюу төрийн тусгай албан хаагч тайлбар хийж болохгүй" гэв.
