Засгийн газрын хуралдааны үеэр Ерөнхий сайд дараах байр суурийг илэрхийлжээ.

Тэрээр "Монголд бүх зүйл хоёр болсон. ТББ хоёр болсон, эмч, багш нарын цалин хоёр болсон. Энэ бол инээдэм наргиан биш. Өнөөдрийн Засгийн газрын хуралдаанаар багш нар нэмэгдээгүй цалингаасаа нэмэгдлээ тооцуулан авдаг байсан асуудалд цэг тавьж байна. 50 хувь нэмэгдсэн цалингаасаа нэмэгдлээ тооцуулан авдаг, нэг цалинтай болно. Үүнийг шийдвэрлэхээр Төрийн үйлчилгээний зарим албан тушаалын цалингийн доод хэмжээг шинэчлэх тухай, Хувьсах зардлын дундаж хэмжээ, түүний бүрэлдэхүүн, итгэлцүүр журам батлах тухай Засгийн газрын тогтоолыг баталлаа. Тавдугаар сарын 1-нээс багш нарын цалин 50 хувиар нэмэгдэж, нэмэгдсэн цалингаасаа нэмэгдэл цалингаа тооцуулж авдаг нэг цалинтай болно" гэв.