Улаанбаатар хотод ерөнхий боловсролын сургуулийн хүртээмжийг нэмэгдүүлэх зорилгоор төрийн болон төрийн бус өмчийн цэцэрлэгийн зориулалтын зарим барилгыг "Хотхоны бага сургууль" болгон ашиглах шийдвэр гарсан.

Энэ хүрээнд 21 байршилд хотхоны бага сургуульд 1-2 дугаар ангийн 9000 гаруй хүүхэд суралцах бэлтгэлийг хангасан болохыг НЗДТГ-ын хэвлэлийн хэлтсээс мэдээллээ.

1. Хан-Уул дүүрэгт ерөнхий боловсролын 52, 32, 130, 186, 18, 163 дугаар сургуулиудын харьяа хотхоны бага сургууль
2. Баянзүрх дүүрэгт ерөнхий боловсролын 69, 133, 14, 48, 44 дүгээр сургуулиудын харьяа хотхоны бага сургууль
3. Баянгол дүүрэгт ерөнхий боловсролын Оюуны ундраа, Эрдмийн өргөө, 73 дугаар сургуулийн харьяа хотхоны бага сургууль
4. Сүхбаатар дүүрэгт ерөнхий боловсролын 4, 16, Эрдмийн хөтөч сургуулийн харьяа хотхоны бага сургууль
5. Сонгинохайрхан дүүрэгт ерөнхий боловсролын 154, 12, Хөгжил сургуулийн харьяа хотхоны бага сургуулийг нээсэн байна.

Шинээр нээж буй хотхоны бага сургуулиудыг нийслэлийн хөрөнгө оруулалтаар орчин үеийн сургалтын тоног төхөөрөмж, ухаалаг самбар, сурагчдын идэвхтэй оролцоонд суурилсан сургалтыг дэмжих орчин, стандартын шаардлага хангасан сандал, ширээгээр тохижуулсан аж.