УИХ-ын Хүний эрхийн дэд хорооны хуралдаанаар баривчлах, цагдан хорих ажиллагаанд хүний эрхийг хангахтай холбоотой хууль тогтоомжийн хэрэгжилтийн талаар ХЭҮК-ийн мэдээллийг сонслоо. Энэ үеэр ХЭҮК-ийн гишүүн Б.Энхболд "Цагдан хорих, таслан сэргийлэх, шүүхийн зөвшөөрөлгүй баривчлах арга хэмжээтэй холбоотойгоор ХЭҮК-т 2024 онд цагдан хорих байрнаас 360, 2025 онд 407, 2026 онд 303 гомдол ирсэн. ХЭҮК-т ирж байгаа нийт гомдлын 27.6 хувийг цагдан хорих байрнаас ирж буй гомдол эзэлж байна.
Ирсэн гомдлуудад дүн шинжилгээ хийхэд хуульд заасны дагуу таслан сэргийлэх арга хэмжээ авсан тухай бичиж байгаа боловч хорихоос өөр аргагүй байдалд байсан гэдэг нь шүүгчийн захирамжаас харагдлаггүй. Мөн өмгөөлөгч нарын дунд явуулсан судалгаанд мэтгэлцэж шийдвэр гаргана гэсэн хуулийн зохицуулалт хэрэгжихгүй байгаа тухай дурдсан" гэлээ.
