Монголын үндэсний допингийн эсрэг байгууллагаас “Улаанбаатар марафон 2026” олон улсын гүйлтийн тэмцээнд түрүүлсэн Кенийн тамирчин Серой Андерсон Сайтотигоос хориотой бодис илэрснийг өнөөдөр мэдээллээ. Тухайн тамирчны тавдугаар сарын 23-ны өдөр өгсөн шинжилгээгээр Триметазидин (Trimetazidine) илэрч, шинжилгээний сөрөг дүн (Adverse Analytical Finding) тогтоогдсон байна.
Триметазидин нь Дэлхийн допингийн эсрэг агентлаг (WADA)-ийн хориглосон жагсаалтын S4.4 ангилалд хамаарах бөгөөд тэмцээний үеийн болон тэмцээний бус үед хэрэглэхийг хориглосон бодис юм. Уг шинжилгээний үр дүнгийн удирдлагын ажиллагаа үргэлжилж байгаа тул эцсийн шийдвэрийг эргэн мэдээллэхээр болжээ.
