НҮБ-ын Дүрвэгсэд болон шилжилт хөдөлгөөний агентлагуудын мэдээлснээр, Андаманы тэнгист рохингья дүрвэгчид болон Бангладешийн иргэдийг тээвэрлэж явсан завь осолдсоны улмаас 250 орчим хүн сураггүй алга болжээ.
Бангладешийн өмнөд хэсэгт орших Текнафаас Малайз улсыг чиглэн зорчиж явсан усан онгоц цаг агаарын хүнд нөхцөлөөс гадна даац хэтэрч живсэн гэж үзэж байгаа юм. Мьянмарын мусульман шашинт цөөнх болох мянга мянган рохингья иргэд жил бүр улс орны дарангуйлал, иргэний дайнаас зугтан дүрвэдэг юм. Живсэн завинд зорчиж явсан хүмүүс Бангладешийн зүүн өмнөд хэсэгт орших Кокс Базар дахь дүрвэгсдийн хуарангаас гарч явсан байх магадлалтай бөгөөд Мьянмарын баруун Ракхайн мужаас дүрвэсэн сая гаруй рохингья иргэн тэнд маш хүнд нөхцөлд амьдарч байна.
Ослын нөхцөл байдал тодорхойгүй байгаа ч 4-р сарын 4-нд Бангладешаас хөдөлсөн завинд 280 орчим хүн байжээ.
