Цагдаагийн байгууллагад энэ оны нэгдүгээр сарын 6-ны өдөр “Хоёр хүн нас барсан байна” гэх дуудлага, мэдээлэл иржээ.

Урьдчилсан байдлаар иргэд хашаан дотроо хучлагатай байсан "Hyundai Sonata-6" маркийн тээврийн хэрэгслээ асааж, дотор нь сууж байхдаа угаартаж нас барсан нөхцөл байдал тогтоогдсон байна. Иймд болзошгүй эрсдэлээс урьдчилан сэргийлж, өвлийн улиралд автомашинаа хучлагатай байх үед нь асааж, дотор нь удаан хугацаагаар суухгүй байхыг Цагдаагийн ерөнхий газраас анхаарууллаа.