Засгийн газрын Хэрэг эрхлэх газрын тэргүүн дэд дарга Ш.Раднаасэдийг чөлөөлжээ. Үүнтэй холбогдуулан уг албан тушаад Засгийн газрын Хяналт хэрэгжүүлэх газрын дарга Б.Батцэцэгийг томилсон байна. 

Б.Батцэцэгийг өнгөрсөн арваннэгдүгээр сард УИХ-ын ерөнхий нарийн бичгийн даргаар томилох тухай мэдээлэл гарч байсан. Гэвч Үндсэн хуулийн цэцийн гишүүн Л.Өлзийсайханыг УИХ-ын ерөнхий нарийн бичгийн даргаар томилсон юм. 

Засгийн газрын Хэрэг эрхлэх газрын тэргүүн дэд дарга Б.Батцэцэгийн товч намтрыг танилцуулъя.

Боловсрол:

• 2000-2002 Бүрэн дунд боловсрол – Эхлэл ЕБС
• 2002-2007 Эрх зүйн бакалавр–МУИС-Хууль зүйн сургууль
• 2014-2015 Худалдааны эрх зүйн магистр-University of Melbourne

Ажлын туршлага:

• 2007–2010 ХЭҮК, Өргөдөл, гомдлын баг, референт
• 2010–2011 ХЭҮК, Бодлого дүн шинжилгээний баг, ахлах референт
• 2011–2016 ХХААХҮЯ, Стратеги бодлого төлөвлөлтийн газар, мэргэжилтэн
• 2016–2018 ХХААХҮЯ, Хуулийн хэлтсийн дарга
• 2018–2020 "Капкорп Монголиа" ХХК, хуулийн зөвлөх
• 2020–2020 Ерөнхийлөгчийн Тамгын газар, Хуулийн хэлтэс, ахлах референт
• 2021–2022 УИХ-ын Тамгын газар, УИХ-ын гишүүний ажлын алба, зөвлөх
• 2022–2022 ЦХХХЯ, Төрийн захиргааны удирдлагын газрын дарга
• 2023–ЦХХХЯ, ТНБД-ын албан үүргийг түр орлон гүйцэтгэгч
• 2023 оноос–ЦХХХЯ, Төрийн нарийн бичгийн дарга
• 2025 оноос Засгийн газрын хяналт хэрэгжүүлэх газрын дарга.