Эрүүгийн цагдаагийн албанаас өчигдөр Нийслэлийн Засаг даргын орлогч Т.Даваадалайн гэрт нэгжлэг хийн баривчилсан тухай мэдээлсэн. Түүнтэй хамт "Авангард уран дизайн энд инженеринг" ХХК-ийн гүйцэтгэх захирал Н.Билгүүн, "Абонк" ХХК-ийн нягтлан бодогч Б.Болормаа нарыг мөн саатуулж орон байр болон албан өрөөнд нь нэгжлэг хийсэн байна.

Т.Даваадалайг Эрүүгийн хуулийн тусгай ангийн 17.4-р зүйлийн 2.1, 18.6-р зүйлийн 1 дэх хэсэг буюу албан тушаалын байдлаа ашиглан завших, мөнгө угаах гэмт хэрэгт хэрэг бүртгэл нээн мөрдөн шалгах ажиллагааг эхлүүлсэн гэдгийг Нийслэлийн прокурорын газраас мэдээллээ.