.jpg)
Монгол Улсын Засгийн газраас дүрслэх урлагийг хөгжүүлэх, дэмжих бодлогын хүрээнд уламжлал болгон зохион байгуулдаг “Оны шилдэг бүтээл-2021” үзэсгэлэнг амжилттай зохион байгуулж, шилдэг бүтээлээ энэ сарын 17-нд тодруулсан. “Оны шилдэг бүтээл-2021” үзэсгэлэнд дэлгэсэн 75 уран бүтээлчийн 86 бүтээлийг хэлэлцэн, шалгаруулалт явуулсны дүнд зураач Б.Орхонтуулын “Өртөө” баримлын бүтээлийг “Дүрслэх урлагийн оны шилдэг бүтээл”-ээр шалгаруулан улсын сан хөмрөгийг баяжуулсан юм. Б.Орхонтуул бүтээлийнхээ талаар "Нүүдэлчдийн буюу манай монголчуудын эртний ёс заншлаар бурхан болсон хүнийг эсгийнд ороож сүүлчийн замд нь үддэг. Хүн нас бараад эргээд төрдөг бол хаагуур яваад, хаана очиж оюун санаагаа цэвэрлүүлээд эргэж төрдөг гэдгийг би мэдэхгүй учраас биеийн дунд хэсгийг хоосон орон зайгаар илэрхийлсэн. Толгой хэсгийг нь эргээд хүүхэд төрж байгаагаар илэрхийлсэн. Төрж байгаа хүүхдийг сахин хамгаалж байгаа бурханлаг дүртэй шувуу байгаа. Аливаа араатан хамгийн сонор сэрэмжтэй үедээ чих нь хөдөлж байдаг. Амьтны чих хөдөлж байхад асар өндөр түвшинд анхаарлаа төвлөрүүлж болгоомжилж байна гэсэн үг. Тэр утгаар нь шувууныхаа хоёр чихийг соотойлгож бүтээсэн. Шинэ хүн мэндэлж байхад хамгаалж байгаа гэсэн үг. Могойг шувуу савраараа базсан байгаа. Энэ нь аливаа ад чөтгөрөөс хүүхдийг хамгаалж байгаа гэсэн санаа. Хүүхдийн дүрийн ар талд нэгэн хийсвэр дүрс хийж өгсөн. Хүн бүхэн төрөхдөө өөрийн гэсэн хувь заяатайгаа төрдөг гэж өвөг дээдэс маань ярьдаг. Тиймээс өөрийн хий биетэйгээ цуг төрж байгаа гэдгийг илэрхийлсэн. Сэтгэлгээний талын сюрреалист бүтээл гэж хэлж болно" хэмээсэн юм.
2021 оны шилдэг бүтээл "Өртөө"
Монголын уран зургийн салбарт сюрреалист бүтээлүүдээрээ томоохон байр суурь эзэлдэг Б.Орхонтуул уран бүтээлийн өнгө төрхөөрөө бусдаас ялгардаг. Түүний хувьд 2009 оноос оны шилдэг бүтээл шалгаруулах үзэсгэлэнд оролцож эхэлсэн байна. Оролцсон анхны жилээ шилдэг бүтээлийн эзэн болж, 2009, 2011, 2013, 2021 онуудад оны шилдэг бүтээлийн шагналыг хүртэж байв. Мөн 2020 онд Монголын уран зургийн галерейн нэрэмжит шагналыг "Түлхүүр" бүтээлээрээ хүртсэн юм.
Монголын уран зургийн галерейн нэрэмжит шагнал хүртсэн "Түлхүүр" бүтээл
2011 оны шилдэг бүтээл "Амь"
2009 оны шилдэг бүтээл "Зам"
Б.Орхонтуулын намтар
Боловсрол
2001 Говьсүмбэр аймгийн 3 дугаар 10 жил
2005 Ражив Гандийн нэрэмжит үйлдвэр урлалын дунд сургууль
2006-2008 Дүрслэх урлагийн дээд сургууль
2005-2011 Уран бүтээлч Xanady art gallery
2005- “Хөх нар” орчин үеийн урлагийн төвийн гишүүн
Оролцсон үзэсгэлэн
2008 Төгс мэдрэмжийн эрэлд Xanady Art Gallery
2008 Negative А.Баярмагнай Xanady art Gallery
2008 “Өглөө” хамтарсан үзэсгэлэн Б.Мөнх-Очир Занабазарын музей
2009 Art Camp, Xanady Арт галерей & Хөх нар Ulaanbaatar, Mongolia
2009 Монголд үйлдвэрлэв , Art fair in Beijing, Beijing, China
2009 Оны шилдэг бүтээл , Монголын уран зургийн галерей
2010 Монгол Солонгосын залуу уран бүтээлчдийн хамтарсан Гранд арт үзэсгэлэн, Монголын уран зургийн галерей
2010 Хөх нар Best art хамтарсан үзэсгэлэн I loft
2010 Tiger translate, I-Loft function house
2011 Буй гал хамтарсан үзэсгэлэн Монголын уран зургийн галерей
2011 Хөрш хамтарсан үзэсгэлэн Б. Бадрал Xanady art gallery
2011 Оны шилдэг бүтээл , Монголын уран зургийн галерей
2013 Contemporary art of Mongolia, 976 Art Gallery
2013 Диваажингаас төөрсөн хүүхдүүд , 976 Art Gallery
2013 Оны шилдэг бүтээл , Монголын уран зургийн галерей
2015 Nord art, олон улсын үзэсгэлэн , Budelsdorf, Germany
2015 Mонголын уран бүтээлчид , Xian, China
2016 Contemporary Монголын урчуудын эвлэлийн хороо
2017 Алтан бийр ЗУБ нэгдэл Монголын урчуудын эвлэлийн хороо
2018 UB art festivale
2018 The presence хамтарсан үзэсгэлэн Ж. Шижирбаатар, Ж. Анунаран Sengeragi art gallery
2020 Оны шилдэг бүтээл Монголын уран зургийн галерей
2021 Оны шилдэг бүтээл Монголын уран зургийн галерей
Шагнал
2008 Шилдэг уран бүтээл , Төгс мэдрэмжийн эрэлд Xanady Art Gallery,
2009 Оны шилдэг уран бүтээл , Монголын уран зургийн галерей
2010 Оны шилдэг уран бүтээлч Хөх нар төв,
2010 Тэргүүн байр Tiger translate, Auckland, New Zealand
2010 Монгол улсын соёлын тэргүүний ажилтан
2010 Тэргүүн байр Монгол Солонгосын залуу уран бүтээлчид
2011 Оны шилдэг уран бүтээл Монголын уран зургийн галерей
2013 Оны шилдэг уран бүтээл Монголын уран зургийн галерей
2017 Тэргүүн байр Алтан бийр Монголын урчуудын эвлэлийн хороо
2020 Монголын уран зургийн галерейн нэрэмжит шагнал
2021 Оны шилдэг уран бүтээл Монголын уран зургийн галерей