Үндэсний бөхийн цол чимэг олгодог 30 дахь удаагийн “Бүх цэргийн наадам”-ын хүчит бөхийн барилдаан өнөөдөр амжилттай болж өндөрлөлөө. Цэрэг, хүчний таван спорт хороонд харьяалагддаг аймаг, цэргийн цолтой болон залуу 256 бөх зодоглосноос чөлөөт бөхийн олон улсын хэмжээний мастер Завхан аймгийн Яруу сумын харьяат, аймгийн заан М.Лхагвагэрэл түрүүлж, Булган аймгийн Орхон сумын харьяат аймгийн арслан Э.Сумъяабат үзүүрлэлээ.