УИХ-ын чуулганы нэгдсэн хуралдаанаар Улсын ерөнхий прокурорын орлогчоор М.Чинбатыг томилох саналыг зөвшилцөх Ерөнхийлөгчийн саналыг хэлэлцлээ. Энэ үеэр Хууль зүй, дотоод хэргийн сайд "УИХ-ын гишүүд хүмүүсийг ихээр цагдан хорьж байгаа юм шиг яриад байх юм. Харин эсрэгээрээ багасаж байгаа.
Улстөрчидтэй ойр хүмүүсийг цагдан хорихоос зайлсхийх асуудал гарч байна. Тухайлбал, УИХ-ын гишүүн Д.Амарбаясгалангийн хэрэгт холбогдсон Б.Эрдэнэжаргалыг шүүгч хоёр удаа шөнө оройн цагаар суллалаа. Уржигдар сулласан байна. Ингэж мөрдөн шалгах ажиллагаанд саад учруулж байна. Д.Амарбаясгалан өөрөө Монголд байна уу, үгүй юү. Хилээр гараад явчихсан уу. Үүн дээр шийдэмгий ажилламаар байх юм. Хууль зүй, дотоод хэргийн сайд хэрэг маргаан шийдвэрлэх ажилд оролцдоггүй болохоор нөлөөлж болохгүй юм. Бүрэн эрхийнх нь асуудлыг оруулж ирвэл яасан юм бэ. Юунаас айгаад байгаа юм. Бүрэн эрх нь саад болоод байгаа бол түдгэлзүүлээд шалгая л даа" гэв.
