Нийт нутгаар агаарын температур нэмэгдэж буйтай холбоотойгоор хуурайшилт ихсэж байгааг Онцгой байдлын ерөнхий газраас мэдээллээ.
Одоогийн байдлаар Өмнөговь, Дорноговийн баруун өмнөд хэсгээр хуурайшилт нэн их байна. Харин Баянхонгор, Сүхбаатарын өмнөд хэсэг, Өвөрхангай, Дундговь, Өмнөговь, Дорноговийн ихэнх нутгаар хуурайшилт их байгаа аж. Мөн Баян-Өлгийн хойд, Увсын баруун өмнөд, Завханы баруун, Ховд, Говь-Алтай аймаг болон ой, хээрийн бүсэд хамаарах Хөвсгөл, Архангай, Булган, Дархан-Уул, Сэлэнгэ, Төв, Хэнтий, Дорнод аймгийн нутгаар хуурайшилт дунд зэрэг түвшинд байна.
Иймд иргэд, малчдыг ой, хээрийн бүсэд зорчихдоо галын аюулгүй байдлыг чанд сахих, ил гал гаргахгүй байхыг Онцгой байдлын ерөнхий газраас анхаарууллаа.
